Security

የኢሕአፓ ፖለቲከኞች እና የህግ ባለሙያ የዋስትና ብይን ለዕለተ አርብ ተላለፈ

የAI ማጠቃለያ

በሽብር ወንጀል ተጠርጥረው ዋስትና የተፈቀደላቸው ሶስት ግለሰቦች የዋስትና ይግባኝ ብይን ለተለዋጭ ቀን ተራዝሟል።

የኢሕአፓ አባላት የሆኑት አበበ አካሉ እና ይሳቅ ወልዳይ እንዲሁም ጠበቃ አበራ ንጉሥ ጠቅላይ ፍርድ ቤት ቀርበው ለአርብ መስከረም 8 ተለዋጭ ቀጠሮ ተሰጥቷቸዋል።
የፌዴራሉ ከፍተኛ ፍርድ ቤት ነሐሴ 29/2018 ዓ.ም ተጠርጣሪዎቹ እያንዳንዳቸው በ50 ሺህ ብር ዋስ እንዲፈቱ ወስኖ ነበር።
ፖሊስ ተጠርጣሪዎቹ ፅምዶን ሊቀላቀሉ ይችላሉ በማለት ለጠቅላይ ፍርድ ቤት ይግባኝ በማቅረቡ እና ተጨማሪ 14 ቀን የምርመራ ማጣሪያ በመጠየቁ ዋስትና ቢፈቀድላቸውም ሳይፈቱ ቀርተዋል።
የጠቅላይ ፍርድ ቤቱ ይግባኝ ሰሚ ችሎት ጳጉሜ 2/2018 ዓ.ም ክርክር አድርጎ ለዛሬ ሊያስተላልፍ የነበረውን ብይን ተከሳሾች እና ጠበቆቻቸው ከፍተኛ ተቃውሞ በማሰማታቸው አርብ መስከረም 8 ቀጥሯል።
ተጠርጣሪዎቹ ዋስትና ከተፈቀደላቸው በኋላ ለ12 ቀናት በእስር የቆዩ ሲሆን እስከቀጣዩ ቀጠሮ የእስር ቆይታቸው 15 ቀን ይሆናል።
ሶስቱ ተጠርጣሪዎች በቁጥጥር ሥር የዋሉት ሐምሌ 27/2018 ዓ.ም ነው።

ተዛማጅ