በቻይና በተከሰተው ‘ዶልፊን’ ከባድ አውሎ ነፋስ ከአንድ ሚሊዮን በላይ ሰዎች ተፈናቀሉ

በቻይና በደረሰው ‘ዶልፊን’ ከተሰኘው ከባድ አውሎ ነፋስ ጋር በተያያዘ የሀገሪቱ ባለስልጣናት የፋይናንስ ማዕከል ከሆነችው ሻንጋይ ጨምሮ ከምሥራቃዊ አካባቢዎች ከአንድ ሚሊዮን በላይ ሰዎችን ለቅቀው እንዲወጡ ማድረጋቸውን ቢቢሲን ጠቅሶ ቲክቫህ ኢትዮጵያ ዘግቧል። ይህ ኃይለኛ አውሎ ነፋስ በአካባቢው ላይ ከፍተኛ ዝናብ ያስከተለ ሲሆን፣ በተከሰተበት ክልል ውስጥ የሚገኙ የትራንስፖርት እንቅስቃሴዎችንም ሙሉ በሙሉ አቋርጧል። የአውሎ ነፋሱ መስተጓጎል በሻንጋይ በከፍተኛ ሁኔታ የተስተዋለ ሲሆን፣ ሰኞ ዕለት ብቻ ወደ 1,000 የሚጠጉ የአየር በረራዎች እንዲሰረዙ ተደርጓል።