Politics

አቶ ጌታቸው ረዳ ግብፅ በትግራይ ጦርነት ወቅት ለህወሓት የገንዘብ ድጋፍ አድርጋ እንደነበር ተናገሩ

የAI ማጠቃለያ

አቶ ጌታቸው ረዳ በትግራይ ጦርነት ወቅት ህወሓት ከግብፅ 500 ሚሊዮን ዶላር ጠይቆ 500 ሺህ ዶላር ብቻ ድጋፍ ተሰጥቶታል አሉ።

አቶ ጌታቸው ረዳ በትግራይ ጦርነት ወቅት ግብፅ ለህወሓት የገንዘብ ድጋፍ አድርጋ እንደነበር ተናግረዋል።
ይህንን የተናገሩት በኢትዮጵያ መከላከያ ኮሌጅ እና በውጭ ጉዳይ ኢንስቲትዩት በተዘጋጀ የፖሊሲ ውይይት መድረክ ላይ ነው።
ሱዳን የነበረ የህወሓት ወኪል ግብፆች ለህወሓት የገንዘብ ድጋፍ ለማቅረብ ማሰባቸውን እንደነገራቸው አቶ ጌታቸው ተናግረዋል።
የውጭ ግንኙነት ኃላፊ የነበሩት አቶ ጌታቸው "ሪያሊስቲክ" ጥያቄ እንጠይቅ ቢሉም፣ የሊቀመንበሩን ትዕዛዝ ተከትሎ 500 ሚሊዮን ዶላር ድጋፍ የሚጥይቅ ደብዳቤ መጻፋቸውን አክለዋል።
ግብፆች ለቀረበው ጥያቄ ምላሽ የሰጡት 500 ሺህ ዶላር ብቻ መሆኑን አቶ ጌታቸው አስረድተዋል።

ተዛማጅ