Security

በመካነ ሰላም በመንግሥትና በፋኖ ኃይሎች መካከል ትላንት ሰኞ ከባድ ውጊያ መደረጉ ተገለጸ

የAI ማጠቃለያ

የመካነ ሰላም ነዋሪዎች ሰኞ ዕለት በመንግሥት ኃይሎችና በፋኖ ታጣቂዎች መካከል ከባድ ውጊያ መደረጉን ገልጸው፣ በዕለቱም የንፁሐን ጉዳት እንደደረሰና የእለት ተእለት እንቅስቃሴ ተቋርጦ እንደነበር አስታውቀዋል።

በአማራ ክልል ደቡብ ወሎ ዞን መካነ ሰላም ከተማ ዙሪያ ሰኞ ከማለዳው 12 ሰዓት ተኩል በኋላ በመንግሥት እና በፋኖ ኃይሎች መካከል ከባድ ጦርነት ተካሂዷል።
ውጊያው ከባድ መሣሪያዎችን እና ሮኬቶችን ጨምሮ ሜካናይዝድ መሣሪያዎችን ያካተተ ነበር።
በቀበሌ 03 ጎየ በሚባል አካባቢ በመኖሪያ ቤት ላይ በደረሰ ጥቃት የአንድ ታዳጊ ሕፃን ሕይወት ሲያልፍ ወላጆቿ በከባድ ቆስለዋል ።
የትናንትናው ጦርነት በትምህርት እና በንግድ እንቅስቃሴዎች ላይ መስተጓጎል የፈጠረ ሲሆን ማክሰኞ ማለዳ ግን ከተማዋ ሰላም ሰፍኖባት ታይቷል።
በግጭቱ የደረሰውን ጉዳት አስመልክቶ ከከተማው የሥራ ኃላፊዎች ማረጋገጥ አልተቻለም።

ተዛማጅ