Security

"መሳሪያ ገዝታችሁ ታጠቁ በሚል በምንም ተዓምር የተሰጠ አቅጣጫ የለም" - ኦሮሚያ ክልል

የAI ማጠቃለያ

የኦሮሚያ ክልል መንግሥት የጸጥታ ችግር ባለባቸው ዞኖች ያሉ አርሶ አደሮች የጦር መሳሪያ ገዝተው እንዲታጠቁ ትዕዛዝ ተሰጥቷል የሚለውን መረጃ አስተባብሏል።

በደቡብ ምዕራብ ሸዋ፣ ምዕራብ ሸዋ፣ ሰሜን ሸዋ እና ቄለም ወለጋ ዞኖች ያሉ አርሶ አደሮች የጦር መሳሪያ ገዝተው እንዲታጠቁ ትዕዛዝ ተሰጥቷል የሚል ዘገባ ዋዜማ ሬድዮ ከቀናት በፊት ማውጣቷ ይታወሳል።
የዋዜማ ዘገባ በተጨማሪም ነዋሪዎች የክልሉ መንግሥት የጦር መሳሪያ ፈቃድ እንደሚሰጥና ጥይት በተመጣጣኝ ዋጋ እንደሚያቀርብ እንደተነገራቸው ተናግረዋል ይላል።
የኦሮሚያ ኮሚዩኒኬሽን ቢሮ ኃላፊ አቶ ኃይሉ አዱኛ እየተሰራጨ ያለው መረጃ የተሳሳተና ኃላፊነት የጎደለው መሆኑን ገልጸዋል።
የዜጎችን ሰላም የማረጋገጥና የጦር መሳሪያ በብቸኝነት የመታጠቅ ስልጣን የመንግስት ብቻ መሆኑን አቶ ኃይሉ ተናግረዋል።
ያልተመዘገበ መሳሪያ ያላቸው አካላት ሕጋዊ እንዲያደርጉ የማስተባበር ሥራ እንጂ ሕዝብን በጅምላ አስታጥቆ የማንቀሳቀስ መመሪያ አለመኖሩን አስረድተዋል።
በአካባቢው ሚሊሻዎች በጨፌ እና በሚሊሻ ጽሕፈት ቤት በኩል ሕጋዊ በሆነ መንገድ እንደሚደራጁ ተጠቁሟል።

ተዛማጅ