Security

በአዲስ አበባ እና አካባቢው የድሮን በረራ ላልተወሰነ ጊዜ ታገደ

የAI ማጠቃለያ

የብሔራዊ መረጃና ደኅንነት አገልግሎት በአዲስ አበባ እና አከባቢው ማንኛውንም ድሮን ለማብረር ፍቃድ ላልተወሰነ ጊዜ እንደማይሰጥ አስታወቀ።

የብሔራዊ መረጃና ደኅንነት አገልግሎት ከአሁን ጀምሮ ላልተወሰነ ጊዜ በአዲስ አበባ እና አከባቢው ማንኛውንም ድሮን ለማብረር ፍቃድ እንደማይሰጥ አስታውቋል።
በአዲስ አበባ እና አካባቢው የሚንቀሳቀሱ ድሮኖችን ለመቆጣጠር የተቀናጀ የጸረ-ድሮን ቴክኖሎጂ በመጠቀም ክትትል እየተደረገ ይገኛል።
የተከለከሉ ድሮኖችን በመለየት፣ በመጥለፍ፣ ወደ አስፈላጊው ቦታ በማሳረፍ እና የአብራሪዎቹን መገኛ በመለየት በቁጥጥር ስር በማዋል ሕጋዊ እርምጃ ይወሰዳል።
ከዚህ ቀደም ድሮን መጠቀም የሚፈልጉ አካላት የበረራውን ዓላማ፣ ቦታ፣ የድሮኑን አይነት እና የሞዴል ቁጥር በመጥቀስ ፈቃድ ሲያገኙ ነበር።
የበረራ ክልከላው ተግባራዊ የተደረገው የቁልፍ መሠረተ-ልማቶችን እና ብሔራዊ ኩነቶችን ደኅንነት ከሚመለከታቸው አካላት ጋር ለማስጠበቅ ነው።
አገልግሎት መ/ቤቱ የድሮኖችን የብሔራዊ ደኅንነት ስጋቶች ለመከላከል የሚያስችሉ የረቀቁ ቴክኖሎጂዎችን መታጠቁንና ብቁ የሰው ኃይል ማፍራቱን ገልጿል።

ተዛማጅ