Security

የመንግሥት ኃይሎች ውቅሮ ከተማን መቆጣጠራቸው ሲገለጽ የሽሬ ከተማ ሁኔታ አከራካሪ ሆኖ ቀጥሏል

የAI ማጠቃለያ

ለሦስት ቀናት ውጊያ ከተካሄደባት በኋላ የመንግሥት ኃይሎች የውቅሮ ከተማን ሙሉ በሙሉ መቆጣጠራቸው የተገለጸ ሲሆን የሽሬ ከተማ ሁኔታ ግን አከራካሪ ሆኖ ቆይቷል።

የመንግሥት ኃይሎች ለሦስት ቀናት ውጊያ ሲካሄድባት የቆየችውን ውቅሮ ከተማ ትናንት ምሽት ሙሉ በሙሉ መቆጣጠራቸው ተገልጿል።
በርካታ የኤርትራ ወታደሮች ወደ ከተማዋ ገብተው የነበረ ቢሆንም በመንግሥት ኃይሎች ተከታታይ የድሮን ጥቃት የትግራይ እና የኤርትራ ኃይሎች አፈግፍገዋል።
ኃይሎቹ ከአዲግራት 20 ኪሎ ሜትር ገደማ ወጣ ብለው ወደሚገኙ ፋጺ እና ስንቃጣ አካባቢዎች ማፈግፈጋቸው ተመላክቷል።
ዛሬ በዓዲግራት ምንም ዓይነት ውጊያ እንዳልተካሄደ ምንጮች አረጋግጠዋል።
የታጣቂ ቡድኑ እና የስምረት ፓርቲ አመራሮች ሽሬ ከተማ በመንግሥት እና በትግራይ ኃይሎች ቁጥጥር ስር መግባቷን ገልጸዋል።
የዋዜማ ማጣራት እንደሚያሳየው ከተማዋ እስከዛሬው ዕለት ምሽት 10 ሰዓት ድረስ ሙሉ በሙሉ በመንግሥት ኃይሎች ቁጥጥር ሥር አልገባችም።

ተዛማጅ