Security

ለኢሬቻ በዓል ሲባል በአዲስ አበባ በርካታ መንገዶች እንደሚዘጉ ፖሊስ አስታወቀ

የAI ማጠቃለያ

የአዲስ አበባ ፖሊስ ዋና ጠቅላይ መምሪያ ለኢሬቻ ሆራ ፊንፊኔ በዓል አከባበር ሲባል ነገ ከረፋዱ ጀምሮ በከተማዋ በርካታ መንገዶች ለተሽከርካሪ ዝግ እንደሚሆኑ አስታወቀ።

የአዲስ አበባ ፖሊስ ዋና ጠቅላይ መምሪያ የኢሬቻ ሆራ ፊንፊኔ በዓልን ምክንያት በማድረግ ነገ መስከረም 22 ቀን 2019 ዓ.ም ከጠዋት 4፡00 ሠዓት ጀምሮ እስከ መርሀ ግብሩ ፍፃሜ ድረስ መንገዶች ለተሽከርካሪ ዝግ እንደሚሆኑ አስታውቋል።
የኢሬቻ ሆራ ፊንፊኔ በዓል የሚከበረው መስከረም 23 ቀን 2019 ዓ.ም ነው።
ከሚዘጉት መንገዶች መካከል ከመገናኛ ወደ መስቀል አደባባይ፣ ከአድዋ ድልድይ ወደ ቅዱስ ዑራኤል አደባባይ፣ ከአትላስ ወደ ቅዱስ ዑራኤል እና ከቦሌ ሩዋንዳ ድልድይ ወደ መስቀል አደባባይ የሚወስዱ መንገዶች ይገኙበታል።
ከንጋቱ 12:00 ሠዓት ጀምሮ በተጠቀሱት መንገዶች ለአጭርም ሆነ ለረጅም ጊዜ ተሽከርካሪ ማቆም የተከለከለ ነው።
ፖሊስ አሽከርካሪዎች አስቀድመው አማራጭ መንገዶችን እንዲጠቀሙ መልዕክት አስተላልፏል።
ህብረተሰቡ የፖሊስን አገልግሎት ለማግኘትም ሆነ ጥቆማ ለመስጠት በ01-11-11-01-11 እና በ990 ነፃ የስልክ መስመር መጠቀም ይችላል።

ተዛማጅ