Security

በአዲስ አበባ በአንድ ቀን በደረሱ የትራፊክ አደጋዎች የሦስት ሰዎች ሕይወት አለፈ

የAI ማጠቃለያ

በአዲስ አበባ ንፋስ ስልክ ላፍቶ ክፍለ ከተማ በአንድ ቀን ውስጥ በደረሱ ሦስት የትራፊክ አደጋዎች የሦስት ሰዎች ሕይወት አልፏል፤ በ12 ሰዎች ላይም ጉዳት ደርሷል።

በአዲስ አበባ ንፋስ ስልክ ላፍቶ ክፍለ ከተማ በተለያዩ አካባቢዎች በአንድ ቀን ውስጥ በደረሱ ሦስት የትራፊክ አደጋዎች ሦስት ሰዎች ሞተዋል፤ 12 ሰዎችም ቆስለዋል።
ከቀኑ 9፡30 አካባቢ ጀሞ ቅዱስ ሚካኤል መብራት ጋር የኮድ 3-08136 ኢት ሲኖትራክ ተሽከርካሪ መብራት ጠብቀው ቆመው በነበሩ 10 ተሽከርካሪዎች እና ፖል ላይ በደረሰ አደጋ የ44 ዓመት ዕድሜ ያላቸው ተሳፋሪ እናት ሞተዋል፤ በአንድ ሰው ላይ ከባድ እና በ11 ሰዎች ላይ ቀላል የአካል ጉዳት ደርሷል።
ከምሽቱ 12፡00 ሰዓት ላይ ጀሞ ሦስት አካባቢ የኮድ 2A-43228 አ/አ ፒክአፕ ተሽከርካሪ መንገድ ሲሻገር የነበረን ግለሰብ በመገጨት የሞት አደጋ አድርሷል።
ከምሽቱ 4፡30 አካባቢ ሀጫሉ መንገድ አካባቢ የኮድ 3-52305 አ/አ ሀዩንዳይ ተሽከርካሪ ከመንገድ ጠርዝ ጋር በመጋጨቱ የአሽከርካሪው ሕይወት አልፏል።
ፖሊስ አሽከርካሪዎች እና እግረኞች ጥንቃቄ እንዲያደርጉ መልዕክት አስተላልፏል።

ተዛማጅ