Security

በአዲስ አበባ በደረሰ አሰቃቂ የትራፊክ አደጋ የ8 ሰዎች ህይወት አለፈ

የAI ማጠቃለያ

አዲስ አበባ ውስጥ በሚኒባስ፣ በእግረኞች እና በውኃ ቦቴ መካከል በተከሰተ አሰቃቂ የትራፊክ አደጋ የ8 ሰዎች ህይወት ማለፉንና 11 ሰዎች መቁሰላቸውን ፖሊስ አስታወቀ።

የመንገድ ትራፊክ አደጋው የተከሰተው ጥቅምት 21 ቀን 2019 ዓ/ም ከቀኑ 7፡00 ሠዓት በጉለሌ ክ/ከተማ ወረዳ 06 ቀጨኔ መቀጠያ በሚባል አካባቢ ነው።
ከኩዩ ወደ ቀጨኔ እየተጓዘ የነበረ የሠሌዳ ቁጥር ኮድ 3-62732 ኦሮ ሚኒባስ ተሽከርካሪ ወደ ግራ መንገድ በመግባት ሁለት ጫማ አጽጂ ወጣቶችን እና አንድ እግረኛ ገጭቷል።
በደረሰበት አደጋ እግረኛው ህይወቱ አልፏል።
ሚኒባሱ ከዛም ወደፊት በመንቀሳቀስ ከቀጨኔ ወደ እንጦጦ ሲጓዝ ከነበረ የሠሌዳ ቁጥር ኮድ 4-03305 አአ የውሀ ቦቴ ተሽከርካሪ ጋር ተጋጭቷል።
ከቦቴው ጋር በተደረገው ግጭት በሚኒባሱ ውስጥ የነበሩ 7 ግለሰቦች ሞተዋል።
እግረኛውን ጨምሮ በአጠቃላይ በደረሰ አደጋ የ8 ሰዎች ህይወት አልፏል።
የሚኒባሱ አሽከርካሪ ጉዳት ደርሶበት የህክምና እርዳታ እየተደረገለት ይገኛል።
በአጠቃላይ በ11 ሰዎች ላይ ከባድና ቀላል የአካል ጉዳት ደርሷል።
የአዲስ አበባ ፖሊስ የአደጋውን መንስኤ እያጣራ መሆኑን አስታውቆ አሽከርካሪዎች የመንገድ ደህንነት ህጉን እንዲያከብሩ አሳስቧል።

ተዛማጅ