Security

የሞያሌ ግጭት ተባብሶ በመቀጠሉ ነዋሪዎች የፌዴራል መንግሥት ጣልቃ ገብነት ጠየቁ

የAI ማጠቃለያ

በሞያሌ ከተማ የክልል ባንዲራ ማንሳትን ተከትሎ የቀጠለው ከባድ ግጭት የሰው ሕይወት እንዲጠፋ፣ ንብረት እንዲወድምና በሺዎች የሚቆጠሩ ዜጎች ወደ ኬንያ እንዲሰደዱ አድርጓል።

በሞያሌ ከተማ የክልል ባንዲራ መስቀልን ተከትሎ በተነሳው ግጭት አለመረጋጋቱ ዛሬም ሳይበርድ ቀጥሏል።
በከተማዋ ከፍተኛና ከቀደሙት ቀናት የጨመረ የከባድ መሣሪያ የተኩስ ድምፅ ሲሰማ መዋሉን ነዋሪዎች ተናግረዋል።
በግጭቱ መሃል በተነሳ እሳት በመንገድ ዳር የሚገኙ ቤቶች፣ ምግብ ቤቶች እና የነዳጅ ማደያ ሲቃጠሉ ተሽከርካሪዎችም ተመተዋል።
በተባባሰው ግጭት የሰው ሕይወት መጥፋቱ ተረጋግጧል።
ግጭቱን ሸሽተው በሺዎች የሚቆጠሩ ዜጎች ወደ ኬንያ ድንበር ከተማ ጋምቦ የተሻገሩ ሲሆን የኬንያ ቀይ መስቀል ድጋፍ እያደረገላቸው ነው።
የከተማው አስተዳደራዊ መዋቅር በኦሮሚያና ሶማሌ ክልሎች መካከል የተከፈለ ሲሆን፣ ከአስተዳደርና ከወሰን ጋር በተያያዘ ለሚነሱ ተደጋጋሚ ግጭቶች የፌዴራል መንግሥት አፋጣኝ ዘላቂ መፍትሔ እንዲሰጥ ነዋሪዎች ጠይቀዋል።

ተዛማጅ