ስፔን ከ50 ሺህ በላይ ስደተኞች ድንበር ጥሰው መግባታቸውን ተከትሎ 48 ሺህ የሚሆኑትን መለሰች

በጥቂት ቀናት ውስጥ ከ50 ሺህ በላይ ስደተኞች ከሞሮኮ በመነሳት በየብስና በባህር የስፔን ግዛት በሆነችው ሴውታ በኩል ድንበር ጥሰው ወደ አውሮፓ መግባታቸውን ተከትሎ፣ የስፔን መንግሥት ከ48 ሺህ በላይ የሚሆኑትን ስደተኞች ወደ ሞሮኮ መመለሱን ማስታወቁን ቲክቫህ ኢትዮጵያ ዘግቧል።

የሀገሪቱ መንግሥት ይህንን በጅምላ የተፈጸመ ድንበር የመጣስ ድርጊት በሀገሪቱ ሉዓላዊነት ላይ የተቃጣ "ጥቃት" ሲል የኮነነ መሆኑ ተገልጿል።

በዚህ ድንበር የመሻገር ሙከራ ወቅት ከፍተኛ የሕይወት መጥፋት ያጋጠመ ሲሆን፣ በስፔን ወገን 57 አስከሬኖች ተገኝተዋል። በሞሮኮ በኩልም ተጨማሪ ሰዎች ሕይወታቸው አልፎ ሊሆን እንደሚችል ተጠቁሟል። ከተጎጂዎቹ መካከል አንዳንዶቹ በባህር ውስጥ ሰጥመው ሲሞቱ፣ ሌሎች ደግሞ የድንበር አጥርን ለመሻገር በሚሞክሩበት ወቅት በተፈጠረ መረጋገጥና መጨናነቅ ምክንያት ሕይወታቸውን አጥተዋል።

በተጨማሪም ድንበሩን ከተሻገሩት ስደተኞች መካከል የተወሰኑት በሴውታ ከተማ ውስጥ የሚገኙ ሱቆችን ሲዘርፉና ሁከትና ረብሻ ሲፈጥሩ መታየታቸውን ቲክቫህ በዘገባው አመላክቷል።